影片
更多
2024-12-01
20 浏览
早前同屋企人去沙田丽豪酒店的中菜厅食饭，走时发现酒店地舖有间酒吧餐厅，环境大但客人不多，坐得几舒服，今日就同老公嚟呢度食饭。.呢度系酒吧，有各类型嘅酒，例如cocktail、whisky、gin、啤酒、红白酒、梅酒，亦有无酒精的 mocktail、果汁。我哋都唔太饮得酒，就叫了2杯mocktail。.除了饮酒，呢度主打食串烧，有各种肉类、海鲜、蔬菜串烧，亦有炸物、炒饭、乌冬等等。我哋叫了4款串烧，分别是鸡翼、牛舌、豚肉芦笋卷、豚肉荔枝卷；一碟铁板烧牛舌、日式炒野菜及日式鳗鱼炒饭。.鸡翼串 —鸡皮烧到脆卜卜，好香。鸡皮落少少盐已好够味；鸡肉都算嫩滑。.牛舌串 —牛舌好厚肉但一啲都唔鞋，好爽口；每啖咬落去都充满油脂香味，好食😋.豚肉芦笋卷 —烟肉包住好多条芦笋，芦笋一啲都唔苦、无渣，食得好爽👍🏻.豚肉荔枝卷 —好有惊喜的配搭！咸香的烟肉包住清甜的荔枝肉，估唔到几夹，荔枝肉有助减去油腻感，会食唔停口😆.铁板烧牛舌 —牛舌份量好多。呢碟牛舌肉的口感跟串烧系唔同的，串烧的肉质系爽口，而铁板烧的牛舌肉系腍滑的，两者都好味。.日式炒野菜 —有多款杂菜，包括椰菜、红萝卜、杂菌、金菇，几丰富；落咗好多蒜
.
呢度系酒吧，有各类型嘅酒，例如cocktail、whisky、gin、啤酒、红白酒、梅酒，亦有无酒精的 mocktail、果汁。我哋都唔太饮得酒，就叫了2杯mocktail。
.
除了饮酒，呢度主打食串烧，有各种肉类、海鲜、蔬菜串烧，亦有炸物、炒饭、乌冬等等。
我哋叫了4款串烧，分别是鸡翼、牛舌、豚肉芦笋卷、豚肉荔枝卷；一碟铁板烧牛舌、日式炒野菜及日式鳗鱼炒饭。
.
鸡翼串 —鸡皮烧到脆卜卜，好香。
鸡皮落少少盐已好够味；鸡肉都算嫩滑。
.
牛舌串 —
牛舌好厚肉但一啲都唔鞋，好爽口；
每啖咬落去都充满油脂香味，好食😋
.
豚肉芦笋卷 —
烟肉包住好多条芦笋，芦笋一啲都唔苦、无渣，食得好爽👍🏻
.
豚肉荔枝卷 —
好有惊喜的配搭！
咸香的烟肉包住清甜的荔枝肉，估唔到几夹，荔枝肉有助减去油腻感，会食唔停口😆
.
铁板烧牛舌 —
牛舌份量好多。呢碟牛舌肉的口感跟串烧系唔同的，串烧的肉质系爽口，而铁板烧的牛舌肉系腍滑的，两者都好味。
.
日式炒野菜 —
有多款杂菜，包括椰菜、红萝卜、杂菌、金菇，几丰富；
落咗好多蒜蓉炒，全部都好入味。
.
日式鳗鱼炒饭 —
即叫即炒，热辣辣好香；
用来炒饭的鳗鱼汁酱油咸中带甜，好好味。
.
Lychee Orange Frozen —
呢杯系沙冰，有好浓荔枝味，亦饮得出有橙汁同青柠汁，甜中带少少酸嘅味道，都唔错。
.
Cranberry Sangria —
呢杯有红莓汁、橙汁及7喜，有气的酸甜果汁，好饮又解腻。
.
现场亦有飞镖、beer pong、桌球玩，有得玩有得食，系聚会嘅好选择。
张贴
