泰豪燒 (已結業)

同朋友庆祝生日，紧系要食好啲啦～串烧加生啤紧系绝配吧！依家仲系买一送一，只要like Facebook post就可以有呢个优惠。我哋第一时间就叫左蚬炒粉丝，不过因为无晒蚬就叫左花甲，估唔到仲大只更鲜味。感觉有啲似湿炒，建议去晒壳先食就更滋味🤭我哋睇见隔离个烧生蚝都唔错，佢唔系水煮完先拎去烧的，真系慢慢烧到佢收干水。黎到有几样系必叫的，鸡翅、茄子同白鳝，系我去过咁多既串烧店，最岩我口味的。内软外脆，仲保留到好多好多肉汁的，真系每次都要大赞一番🤣茄子都系原条烧，唔系水煮完先再烧，依家慢慢烧既真系愈黎愈少有。我自己本人更钟意既牛舌，够香口但又冧身。仲有好多唔同选择，总有一款岩心水咁食法都系6百几蚊，都唔算贵。