K Square 3 Grill & Bar (已結業)

都系坐系舖头堂食即烧即食最好，大量外卖既味道、温度同质数始终差好远呢！好贵噃，咁就七百几蚊，仲要食唔饱又冻冰冰，要再叫鹿鸣居送几个热辣辣小菜过黎先掂啊。烧鱿鱼筒，仲暖暖地架㖞，加上大量日本甜豉油味道满意，鱿鱼肉鲜嫩弹牙。烧大虎虾，太熟喇麻？虾味超浓呀，香甜味美又够鲜，仲有咁香既虾膏添呢，系熟左少少啰。蒜蓉焗东风螺，依个好味道又够热 ﹗蒜蓉香气扑鼻而来，味道鲜甜爽弹。烧活鲍鱼，同上次一样问题，边位太㶶喇，可能因为落左酱汁啦。肉质弹而鲜甜，满意。烧豆腐卜，好过上次好多。今次唔硬又脆口，索埋甜酱油再黏上木鱼，好味噃。汁烧鸡心，浓烈既酱汁完全盖过鸡心既原味，而且烧得几干下。鸡心由细食到大，应该系弹牙又 juicy 架。烧日本鲜芦笋，最钟意食芦笋。依几条烧得爽口又保持水份，无投诉。厚烧鹅肝，系好奇心之下 order 黎试下，从未试过串烧鹅肝。但系太熟、太肝、太㶶，So sorry。厚烧牛舌？刚刚见到张单先知系厚切，已经系厚切架喇？无上次咁咸，味道正常好多，爽口带点牛膻味，满意。烧白鳝，鳝皮既㶶味太浓带苦，食唔到鲜既鲜味。烧牛肝菌，菌味浓郁，爽口又充满水份，满意。烧鸡尾，细细已经抢黎食，以前又嫩又