Grill ขนทอง (駱克駅)

营业中

休息中

之前经过兰桂坊已经想试呢间泰国餐厅，但每次经过都无位。好彩今日经过铜锣湾分店有仅余嘅空位，我即刻霸左位先🤣餐厅系自助形式，客人喺门口落单之后再揾位。餐厅环境一目了然，面积唔大。- 泰式酸辣猪颈肉沙律猪颈肉充满炭烧香味，肉质唔韧，份量多大约十片。至于蔬菜有芹菜、洋葱、红萝卜等等，味道都几辣。- 泰式串烧鸡肉配炒饭及杂菜呢个套餐真系几抵食，鸡肉串烧有三串，嫩滑多汁。饭炒得好香，入面仲有豆角，口感更丰富。串烧下面有椰菜。串烧方面，我哋叫咗四串，包括白鳝、鸡皮、有机芦笋同白猪肉肠。每一款串烧都系独立包装，包装纸几有质感。BB型状既芦笋好爽脆🤩鸡皮同平时食嘅日本鸡皮好唔同，日本鸡皮好干身而且好脆，泰国鸡皮完全唔脆，但油脂非常丰富。白鳝好出色，肉质爽口，配上酸辣酱非常惹味。白猪肉肠都非常唔错👍🏻整体而言，餐厅嘅串烧几出色，难怪每次经过到好多人排队。