常嚐食•深燒堂 (已結業)

新开张串烧铺，男朋友中意食串烧又中意饮啤酒，老板同店员都好热情，一坐底就主动介绍餐牌，佢地辣度同调味都有唔同选择，唔食辣可以拣椒盐，中意辣可以拣麻辣，食物推介佢花甲汤粉，可拣乌冬或粉丝，花甲汤味道非常清甜，有好多娃娃菜，金针菇同生菜，见到佢条茄子好靓，食材新鲜，仲有成条黄花鱼，花甲份量多，汤底好好饮，完全唔系味精汤，串烧我中意食鸡软骨同烧牛舌，鸡软骨椒盐味道足够，咬落去爽爽声好正，牛舌佢切成薄片，一啖一块好易咬，原只烧鸡翼都好惹味，佢个辣粉回呛味好劲好爽😂😂啤酒有1664同asaki拣，约朋友可以黎支持下新铺头，环境又坐得舒服，我好中意天花个啤酒灯好靓😂