串Grill 自助燒烤專門店 (廣華街) (已結業)

呢一间串烧店非常特别，唔止任食， 仲要有得玩！餐厅提供特制嘅烧烤炉，串烧签都有一个齿轮位，卡住就可以自己转动，又方便又唔怕啲食物㶶~非常贴心嘅设计！ 食物可以均匀受热，又唔使好似传统嘅烧烤咁自己系咁转， 一路同朋友倾偈，一路等佢差唔多熟就可以扫烧烤酱，当玩埋Cooking Mama添！火力够热够大，一个唔留神小心变咗玩overcooked😆 任食店嚟讲，肉类比起其他店舖更加新鲜，可能货源去得快，例如多春鱼呢类讲求新鲜度嘅食物，绝对唔会腥或者觉得唔新鲜，性价比十分高~当中我觉得最优秀系牛舌同埋头盘上嘅牛肉粒特别出色，其他例如鸡膝头鸡肾、豚肉等等都好好食！最后仲有透心凉嘅雪糕，食完烧肉最适合食返个冻嘅甜品，而且唔系杂唛牌，系 Häagen-Dazs，实在喜出望外 ^_^ 总括而言，呢间串烧店食材高质，任食又食得饱，有得食又有得玩，仲要价钱合理，绝对推介😉