芝加哥串燒酒場 (太和中心)

其实间唔中都会黎芝加哥食野，但系就一直都无写过食评。最近仲庆祝中环新分店准备开张，每人送一杯啤酒（大家见到呢篇食评嘅时候唔知优惠完左未）。串烧黎讲都无咩特别野想讲，今次叫左以下呢堆野（唔知有无漏，应该差唔多）： 1 招牌茄子烧2 韮菜烧3 盐烧鸡翼4 烧新疆羊脸肉串5 烟熏和牛牛舌6 日本一口番薯仔烧7 日本博多鸡心串8 安格斯牛肉葱串9 烧德国牛肉肠10 培根车厘茄卷 味道就不过不失啦，唔算好出色，不过几抵食，所以我间中都会黎食野嘅。只系唔知几时开始变左全部（或者有时太多就都会分两三次嘅）烧好之后一大堆咁样上枱。无话好唔好嘅，如果可以控制到全部串烧都系热住拎出黎上枱的话。可能一次过拎出黎晒冷打卡震撼啲挂（应该好多人都觉得系咁），但系我就宁愿食热辣辣要吹几下先食到嘅串烧喇。想视觉上震撼，打卡靓啲系可以嘅，但系味道始终都系餐厅嘅根本。态度决定高度，上枱嘅温度亦都决定味道。 🍺题外话，其实啤酒款式已经唔算多（好意思叫自己酒场？），点指兵兵之下就总系无我想试𠮶只。如果命运真系能选择，我都想试下黎到唔系又饮麒麟。 今次见到有款同名啤酒(Chicago Logo Beer)，店员话有菠萝味。嗯，