影片
更多
2020-02-07
692 浏览
食串烧通常就系街边食，一系就自助串烧。友人突然间想食串烧，就揾左旺角一间串烧店，预早一日订左位。店铺门面有各式各样既酒瓶装饰，店内座位不多，如果一行多人建议提早订座。本身好担心食完串烧会成身一阵味，不过行入店内虽然空间不大，但都冇好浓烈既油烟味。坐底之后就可以自行填写串烧落单纸，即叫即烧，所以我地叫左少少串烧，再一边等齐人一边再加单。落单既时候心入面都有个疑问，有部分串烧冇标示份量，所以上菜既时候见到一个碟只有一串串烧，一行多人都虎视眈眈。炸鸡软骨 ($38)炸物既上菜速度比较快，一碟布满粒粒既炸鸡软骨送到面前，一口鸡软骨，香酥既外皮，咬开仲有少少肉汁，各人你一口我一口，唔洗几分钟，碟内就只剩炸物粒粒。松露薯条 ($36) 新鲜炸好热辣辣既薯条，条条都金黄色，咬落好香脆，仲可以配搭香味浓郁既松露酱。牛六笠 ($40)一串有几粒既牛肉，好方便食，咬落牛肉味香浓，非常惹味，好有系街边食紧串烧既感觉。烧鸡中翼 ($22)已经切开既鸡中翼，烧得岩岩好，表面既颜色好均衡，不过鸡肉咬落有少少硬。芝麻鸡翼(2只) ($28)香甜既芝麻鸡翼，呢只鸡翼相对烧既比较有肉汁，好惹味。蒜蓉茄子 ($32)蒜蓉
店铺门面有各式各样既酒瓶装饰，店内座位不多，如果一行多人建议提早订座。
本身好担心食完串烧会成身一阵味，不过行入店内虽然空间不大，但都冇好浓烈既油烟味。
坐底之后就可以自行填写串烧落单纸，即叫即烧，所以我地叫左少少串烧，再一边等齐人一边再加单。
落单既时候心入面都有个疑问，有部分串烧冇标示份量，所以上菜既时候见到一个碟只有一串串烧，一行多人都虎视眈眈。
炸鸡软骨 ($38)
炸物既上菜速度比较快，一碟布满粒粒既炸鸡软骨送到面前，一口鸡软骨，香酥既外皮，咬开仲有少少肉汁，各人你一口我一口，唔洗几分钟，碟内就只剩炸物粒粒。
松露薯条 ($36)
新鲜炸好热辣辣既薯条，条条都金黄色，咬落好香脆，仲可以配搭香味浓郁既松露酱。
牛六笠 ($40)
一串有几粒既牛肉，好方便食，咬落牛肉味香浓，非常惹味，好有系街边食紧串烧既感觉。
烧鸡中翼 ($22)
已经切开既鸡中翼，烧得岩岩好，表面既颜色好均衡，不过鸡肉咬落有少少硬。
芝麻鸡翼(2只) ($28)
香甜既芝麻鸡翼，呢只鸡翼相对烧既比较有肉汁，好惹味。
蒜蓉茄子 ($32)
蒜蓉同茄子以烧烤方式呈现简直系绝配，茄子柔软又易入味，配以大量蒜蓉非常惹味。不过呢个烤茄子主要以咸味为主味，比较上单调既味道。
烧帆立贝 ($25)
几串调好味又排列得好整齐既帆立贝，咬落啖啖肉，味道唔算好特别。
四式烧蚝 ($65)
蒜蓉烧蚝 ($18)
四式顾名思义有四款口味，包括烧窰蚝、蒜蓉、芝士同松露烧蚝。蚝身好肥美，配上各种味道，岩哂唔同口味既朋友一齐分享。
清酒煮蚬 ($40)
一碗清酒煮蚬，全部蚬都已经打开哂，好诱惑呀~
咬落蚬肉好弹牙，海鲜味道比较重，相反清酒味道就唔突出。
原条鳗鱼定食 ($112)
超级巨型既鳗鱼放系圆碌碌既白饭上面，真系好夸张，鳗鱼既份量大概可以一啖鳗鱼一啖饭咁送入口，份量超足。鳗鱼既味道少少甜，睇落冇咩酱汁，但食落鳗鱼都好入味。
芝心玉子烧 ($38) 芝心明太子玉子烧 ($45)
呢两款芝心烧都好好食，外面烤完又好嫩滑既蛋，中间系超浓郁既芝士，配搭得非常恰当，一啖一口芝士，好满足。
蟹膏蟹肉煲 ($58)
一旧饭 ($24)
好精致既热辣辣蟹肉煲，有只好迷你既蟹系面，蟹肉味相当不错。特意叫左饭焦黎配搭，不过饭焦唔算好脆，等候既时间亦较长。
茶碗蒸 ($22)
非常热辣辣新鲜蒸好既茶碗蒸，有好多材料，不过鸡蛋唔算好嫩滑。
秋葵 ($20)
因为唔知一串秋葵既份量，所以叫左几串秋葵，沾有甜甜地既酱汁，秋葵肥厚多肉，咬落好有质感。
日本番薯仔 ($16)
细细粒既番薯仔，十分可爱，但食落就唔算好多汁。
bb露笋 ($18)
非常清新既bb露笋，烤得岩岩好，咬落好爽脆。表面洒有调味粉，清爽得黎又香口。
一口芝士 ($18)
两粒圆碌碌烧到金黄色既一口芝士，咬落非常烟韧，甜甜地芝士味不错。
蒜蓉焗野菌 ($48)
超级多蒜蓉布满系野菌上面，食落非常可口，有多种野菌选择。见到有几粒辣椒仔，但辣椒仔味唔系好出。
笑哈虾(虎虾2只) ($58)
两只烧得好金黄色既虎虾，细细只，望落好吸引，不过食落就唔系好多肉汁，有少少烧过左火。
海鲜锅定食 ($74)
颜色非常丰富既海鲜锅，有好多配料，虾、蚬、青口、豆腐、蟹柳、菇、菜。新鲜热辣辣，连配料食落都好重海鲜味。
店内冇水提供，食完咁多串烧就叫左野饮解渴。
玫瑰花茶 ($24)
玫瑰花茶杯上浮住几粒玫瑰花非常俘虏一众少女心，饮落都好重玫瑰花味，岩哂食完串烧饮，好解渴。
士多啤梨奶Shake ($26)
士多啤梨味奶昔，有好绵密既泡泡，不过略嫌奶味不够浓。
Strawberry Mojito ($38)
外观非常吸引，有切粒士多啤梨加薄荷叶，士多啤梨味非常香浓，但甜味唔够重。不过可能因为食串烧太浓味，就想饮浓味饮料中和一下。
Kyoho Mojito ($40)
巨峰葡萄味呢杯比较士多啤梨味𠮶杯更重酒味，不过呢杯就冇切粒果肉。
眼见店内有两三个店员密密烧，上菜既速度唔算太快，但咁亦都系一个好时机同朋友倾计饮酒食串烧，聚餐本该如此悠然。
张贴
