串燒咖啡 (已結業)

同朋友系旺角行完街，谂住系附近食啲嘢医下肚，结果就去咗呢间以串烧为主题嘅Cafe。其实上到去真系都好附人食紧，好在上到去唔驶等位。 有样嘢真系估唔到Cafe整串烧都可以咁好味，特别加埋佢个秘制沙嗲酱真系食唔停口，而最重要食完之后都唔觉有油烟。鸡肉串：通常串烧嘅问题会烧得好干，但佢烧出嚟仲保持到好多肉汁啖啖肉好味道。烧鸡翼：表面烧得香脆，而入面就好嫩滑。烧鱿鱼：事先已将鱿鱼切了花纹，当烧烤果阵更加入味，而鱿鱼亦非常淋身，加上辣汁一齐食非常惹味。烧菠萝：真系必食，因为菠萝好新鲜，食果阵真系会爆汁，而且仲好甜。班尼蛋卡邦尼意粉：食法一定要将班尼蛋拌意粉，将浓浓嘅蛋汁混合意粉一齐食。而当中亦非常多杂菌、烟肉食完之后非常满足。菠菜汁芝士鸡扒意粉：意粉份量好多，而鸡扒表面香脆，加埋芝士一齐食真系好正，而菠菜汁意粉亦都唔错。