船皇 (厚福街) (已結業)

尖沙咀嘅厚福街出左名多野食 今次食船皇 因为唔算太饿，本身谂住两个人食一个大碗一个细碗再加啲小食 咁应该够食 点知原来晚市系冇细碗嫁 ！ 最后要左船皇蛋面，仲可以加一蚊转和牛添，船皇呢碗就犀利啰，差不多咩都有，仲有鸡翼鸡丝猪皮。味道个汁系最出名，正！ 同埋一个猪肉丸猪肉猪润捞金边粉，我唔认得叫佢走青，佢啲芫茜味好浓，个姐姐都好好人咁提我话下一次可以叫走青。 但捞啲汁几好味！ 秘酱通菜，呢个酱真系不得了，超好味！ 劲夹通菜，咁多样我最喜欢呢样。 牛舌串沙嗲酱，冇乜沙嗲味，但整体黎讲系烧得好好味 鱿鱼泰式烧烤酱，有三大条，好满足丫，咬落好有口感，唔会好干。鱼饼串泰式辣汁，都有少少辣嫁，食得辣嘅朋友先好叫。整体串烧质素高！ 泰式龙眼冰，整体偏甜。