Mimila (已結業)

因为沙田间一田开咗，所以想黎行下，就顺便喺度食埋饭。不嬲都知道新城市广场多嘢食，不过成日食嚟食去都系日本野韩国嘢𠮶啲，难得见到有间马来西亚食肆，就决定试一试一开始我哋去到都未好多人，所以唔使等位不过入到去冇几耐就开始劲多人，全场爆满，估唔到原来我哋随便入嚟坐低嘅呢间餐厅都几受欢迎首先嚟到嘅系串烧，我哋一开始系比佢个名「串串贡」吸引左。可以拣鸡牛猪嘅其中两款，每款有三串，我哋就拣咗鸡同埋牛。店员一放低碟野，我哋就闻到劲香，拿拿林影咗幅相就即刻食！佢一串唔算多，一两啖就食得晒，但系就烧到啱啱好，肉质唔会话太干身，再点少少沙嗲酱嚟食就啱晒之后就有呢碗白毛猪河粉，一睇到就知道佢丰富，有好多𩠌铺满系河粉嘅上面，汤底嘅浓度适中，而猪肉嘅肥瘦都适中虾子捞面嘅𩠌相对上就冇咁多款式，但系葱、芽菜等等都系落足料，个捞面都唔算话太咸，捞得到几均匀最后仲有一杯马来奶茶，相对港式奶茶，马来奶茶嘅味道清淡一啲，茶味比较重，我哋叫咗小冰，不过我觉得唔叫小冰冻啲咁饮应该会比较好