火狐爐端燒 (已結業)

星期五去食晚饭，餐厅唔算大，入到去都有几枱食客。因为book左，所以都系唔洗等位，入到去就可以坐低。餐厅装修简单，墙身有黑板写左每日既特有既菜式，侍应服务几好，会主动推介有咩好食，好有礼貌。我地叫左梅酒，串烧就有：牛舌，鸡皮，芝士烧大啡菇，帆立贝，鸡翼，油甘鱼，主食就有：烧鳗鱼饭。梅酒味道正常，够冻。牛舌质感唔算稔，有d咬口，胜在烧得够香，而且牛味足。鸡皮好食，因为烧到脆卜卜，够干身，有朋友话过系香港少d会食到好食既鸡皮，我觉得e个ok。芝士同菇配搭无得输，食落菇好多汁，不过可以再多少少调味。单骨鸡翼正，食落好方便，肉质嫩滑有汁，外表香脆，烧到焦焦地，好惹味。烧帆立贝味道鲜甜，但有dd煮老左咁。油甘鱼比较重味，味道一般，唔算好有惊喜，同平时煎三文鱼鳍味道差唔多。鳗鱼饭份量一般，唔多鳗鱼，味道正常。整体来说，价钱唔算平，不过居酒屋都唔会平，食物质素唔错，而且服务态度好，想系荃湾揾个地方倾下计饮下酒都系几好既选择。