東京大眾酒場 (已結業)

好多年冇去大角咀，行过利奥坊，见到间东京大众酒场，即时想试试。舖内日式风格装修几特别，入口见到有关东煮，好多款式，立即点咗牛筋、牛肠、鱼饼、虾饼、日式鱼肉包心烧卖及萝卜，味道清甜好好食。如果喜欢关东煮的朋友，不妨一试。坐低后，餐厅有杯清鸡汤供应，鲜甜可口，再叫咗一支特浓绿茶，冇糖分够健康。餐牌列出四款烧物，有牛肉、猪肉、鸡肉及蔬菜类，急不及待点咗多个串烧。先有野菜盛合，内有鸡髀菇、冬菇及金菇，大大份，菇味一流。再有日式海螺串，细细粒但有鲜味，香口脆爽；日本和牛串鲜嫩多汁，烧得啱啱好，加埋烧牛舌，够厚身又有咬口，跟住鸡中翼腌味香浓，烧烤之后，香味更加突出，满足食肉嘅要求。最后仲有烧露荀及烧南瓜，香甜消腻，感觉清新。