影片
更多
2023-10-24
24 浏览
今次朋友带我去既餐厅位于砵兰街，正正系朗豪坊附近，当日夜晚7点左右入座，坐满一半人，食食下到8点左右都坐满全场。餐厅门日有烧炉做串烧，里面亦有厨房炒小菜，唔会一味食串烧咁DRY。当日分别试左串烧、炒小菜及饭，味道整体唔错，几有水准。串烧（由右至左排：厚烧玉子($20g、安格斯牛肋肉($30)、盐烧牛舌($30)、猪颈肉($20)、鸡胸软骨（2串,$35）及鱿鱼须($18)，串烧味道除左辣味之外可拣蜜糖、孜然、麻辣汁等等，当日全辣叫左小辣，火候控制得唔错，全部串烧都保持到肉汁，而且味粉唔会过重手，食到辣味同时亦食到食材本身既味。牛油金菇包$40： 上菜一打开劲香牛油味，调味应该只左牛油及盐，食落极重牛油香同时带点蔬菜既甜。芝士鸡肉墨西哥薄饼($52)： 惊喜之作，用左红椒、鸡用及mozzarella cheese，外皮极香脆，同时带拉丝，味道带盐及小小酸辣，开胃又饱肚。爆炸蟹($120)： 餐厅哥哥话新出嘅菜式，即管试吓佢。软壳蟹炸脆后用类似避风塘嘅方式炒，除咗炸蒜之外仲加左香茅柠檬叶等等偏泰式嘅香料一齐炒匀。软壳蟹炸得开脆，食落除咗辣味同埋蒜味之外带有香茅同柠檬叶嘅清新味道，虽然热气但
今次朋友带我去既餐厅位于砵兰街，正正系朗豪坊附近，当日夜晚7点左右入座，坐满一半人，食食下到8点左右都坐满全场。餐厅门日有烧炉做串烧，里面亦有厨房炒小菜，唔会一味食串烧咁DRY。
当日分别试左串烧、炒小菜及饭，味道整体唔错，几有水准。
串烧（由右至左排：厚烧玉子($20g、安格斯牛肋肉($30)、盐烧牛舌($30)、猪颈肉($20)、鸡胸软骨（2串,$35）及鱿鱼须($18)，串烧味道除左辣味之外可拣蜜糖、孜然、麻辣汁等等，当日全辣叫左小辣，火候控制得唔错，全部串烧都保持到肉汁，而且味粉唔会过重手，食到辣味同时亦食到食材本身既味。
牛油金菇包$40： 上菜一打开劲香牛油味，调味应该只左牛油及盐，食落极重牛油香同时带点蔬菜既甜。
芝士鸡肉墨西哥薄饼($52)： 惊喜之作，用左红椒、鸡用及mozzarella cheese，外皮极香脆，同时带拉丝，味道带盐及小小酸辣，开胃又饱肚。
爆炸蟹($120)： 餐厅哥哥话新出嘅菜式，即管试吓佢。软壳蟹炸脆后用类似避风塘嘅方式炒，除咗炸蒜之外仲加左香茅柠檬叶等等偏泰式嘅香料一齐炒匀。软壳蟹炸得开脆，食落除咗辣味同埋蒜味之外带有香茅同柠檬叶嘅清新味道，虽然热气但系忍唔住会一啖接一啖咁食。
鲍鱼汁海鲜荷叶饭($108)： 饭以鲍汁及海鲜炒后包上荷叶。海鲜配料唔啬色，啖啖都食到，加上鲍汁味道几鲜甜。
张贴
