珍味食堂 (已結業)

同朋友shopping完，去左商厦楼上晚饭。上左5楼珍味食堂，可能好大雨关系，所以今日都少人等位。我地点左个2人套餐，有餐汤，沙律，串烧同主菜。特式餐汤系罗宋汤，沙律系烟三文鱼海撒沙律，烟三文鱼有2件，沙律菜都新鲜，仲有烟肉碎，芝士，面包粒。串烧拼盘有盐烧鸡翼，牛舌，大啡菇，荔枝烟肉串。黑椒牛舌好惹味。平时金菇肥牛卷食得多，但荔枝就真系未试过，好有荔枝味，几特别。好细心，大啡菇已经切开，方便进食。至于盐烧鸡翼有2只，烧得好香口。最后到主菜，每碟羊架有3件，羊架唔太骚，岩哂朋友。羊架煮得岩岩好，7成，肉质好淋，识食应该用手食，更有风味。配菜有沙律菜，薯角，茄子，翠玉瓜，蕃茄仔。羊架可以选择点芥茉酱同薄荷酱。侍应好细心，见我地碟都载满骨，主动过黎帮我地换碟。最后我地加点柑桔柠檬蜜，食饱仲可以倾下计。