北海道爐端燒 (已結業)

我想食串烧，朋友仔又话怕热气，佢要食鱼生，呢度啱晒，可以各有各食。舖面放满好多酒樽装饰。睇下有咩食先。牛舌串烧，烧得唔错，牛舌够稔身又唔干。帆立贝串烧大大粒，超好味。盐烧味噌渍鲑鱼腩，呢个一定要试，鱼皮烧到香脆，肉软而不松散，鱼肉油脂丰富，咬落香口柔滑。炸日本生蚝，炸得又热又香脆，里面蚝肉胀卜卜，外脆内软。精选刺身拼盘，刺身片片都色泽红润，睇落新鲜，吃落更鲜味。海鲜丼，谂唔到食咩寿司好，海鲜丼都系一个唔错既选择，每样都有D，又有饭底，满足贪食既我地。