尚鮮海鮮料理 (已結業)

今日同朋友黎到位于铜锣湾既尚鲜食晚饭。平时打边炉打得多，今次我同朋友就决定试吓私房菜。我同朋友首先叫咗一个尚鲜毛血旺。毛血旺嘅份量都几大，材料丰富，入面有猪红、牛柏叶、猪膶、猪舌、牛肉、金菇、青瓜等嘅材料。毛血旺非常之麻辣，每样材料都十分入味，尤其当中嘅金菇，将汤底嘅味道同汤汁完全吸收在内。 另外我哋亦都叫咗一啲串烧。烧生蚝上面有蒜蓉同埋香葱，再配上十分鲜甜嘅蚝，回味无穷。烧海虾亦都很不错。虾壳带咸香，而且被轻微烧焦。虾肉亦都爽口弹牙，带鲜甜，非常新鲜。烧芝士狮子狗一咬落去啲芝士味就相当浓烈，好正。牛舌同牛柳粒亦都烧得好香，油份比火烧到出哂黎，相当不错。最后粟米亦都好鲜甜，带焦香，我同朋友都好钟意食。鲜炸蒜香牛蒡可以话系啤酒既最佳𩠌酒小吃。牛蒡炸得好香好脆，口感非常之正。莲子百合汤则清中带甜，更有助补肺，健康又好饮。