令和居酒屋

营业中

休息中

一直都好钟意去居酒屋，感觉好chill ! 呢到一入黎，真系好似去左日本咁呀! 而且每个客人入座，店员都系敲一次鼓欢迎，好有趣! 除左手上既餐牌，墙上面都会挂左D牌讲有咩特色食物，见到串烧好似几唔错，叫左汁烧牛筋串同埋烧牛蒡串。店员仲提我地呢D要早D食，如果唔系，冻左会变硬就唔好食了~ 牛筋好淋! 同埋都几入味! 牛蒡串真系第一次食! 感觉好似配埋酒一食。另外都叫左个烧茄子，原来面头个D系和牛渣滓，唔怪得咁香~ 但唔会话好油腻，茄子都烧得刚好，好易脱皮食。令和玉子烧好香，食落口仲系暖暖地，好重蛋味，而且睇相都见到系几厚! 日式炸豆腐系个皮岩岩炸左少少脆口的感觉，而入面系好嫩滑，个汁都好fresh，好岩做开胃菜呀!! 串烧方面，叫左烧鲜鳗鱼串，白葱豚肉串，鸡软骨串同埋冰火烧菠萝。白葱豚肉串好好食!! 本身以为系一件豚肉一件系葱咁样一串食，但佢系豚肉包住葱咁烧，所以系好香好juicy。银雪鱼西京烧既鱼肉系超级滑!! 呢个好有惊喜呀 A4日本黑毛和牛寿喜烧一品锅都好出色，和牛片好有入口就融既感觉! 今次真系大满足!