滿串自家醃制串燒店 (砵蘭街)

营业中

休息中

今日同一班朋友一齐黎食串烧！串烧选项真系几多，肉类，海鲜类，仲有蔬菜类！我地一黎就叫到一枱都系。依度系即叫即烧，一上到枱就热辣辣，够晒新鲜。串烧有少少新疆口味，有孜然粉同其他香料做调味。其实唔洗点汁都好够味。个人比较喜欢鸡泡鱼干，烧茄子，烧牛舌，烧粟米，同埋烧鸡肶菇。鸡泡鱼干烧得几香，加埋沙律酱就更好味。烧原条茄子，开边之后加上香料，好好味呀！牛舌唔会切得太薄，好有咬口，烧得好香，一啖一粒，不错。至于粟米，好香甜呀！虽然只系食串烧，不过食吓食吓都几饱架！