Nunu燒 (已結業)

转左工，离开左中环之后，好耐无返黎呢边食晚餐。呢日放工约左旧同事食饭，就揾左呢间餐厅。两个人食左$500几蚊，都唔算好贵👍🏻温泉蛋豚肉生姜烧饭($95)一上枱见到有点惊讶，比我想像中大碗好多！豚肉份量好多，洋葱煮到淋哂好甜，葱超多。味道几好，唔会太过浓味，汁够送饭，不过唔够姜味，姜味重啲就好😛原条鳗鱼饭($210)同事钟意食鳗鱼，呢碗超岩佢！原条鳗鱼剪开分成6大块，每块都又大又厚，仲烧得好香好惹味。我食左佢一块，肉都几棉，有少许幼骨🤔餐厅仲有刺身、寿司、串烧，我地拣左啲串烧Share一齐食，佢每款都有两串✌🏻鸡皮($58)食亲串烧都必叫鸡皮，烧到脆卜卜，好正😋鸡翼4只($78)烧到鸡皮脆脆地，肉又仲有汁，切开哂，唔怕食得狼狈。软骨鸡棒($80)呢个正！一份有两条，不过都算几贵，平均一条$40🤔不过十分推介！点生蛋黄，加上每一啖都有软骨，好有口感，好食👍🏻枱上面供应既系玄米茶🍵