影片
更多
2024-04-16
20 浏览
呢一间传销店，产品同服务质素同样出色，真系不得不推介。日式居酒屋店面，非常易认。内里装修同日式居酒屋相似，以唔同嘅日式清酒同埋烧酒酒瓶做装饰，增加一份特色感。适合同朋友嚟到呢度相聚畅饮。餐牌内有唔同嘅烧物同埋串烧以供选择，花多眼乱，但大家亦可以参考店家推荐嘅食物，全部都非常好食。😋串烧即叫即烧，全部质素都非常之高。牛舌烧完之后都非常多汁，充满口感唔会过干过硬。我最欣赏嘅系荔枝豚肉卷。豚肉烧过薄脆，荔枝烧过之后亦都保持多汁，咬落去豚肉有淡淡的荔枝香味，非常出色。喺其他串烧店比较少见嘅食物。另外一个充满惊喜嘅串烧，就系梅子鸡肉串。鸡肉新鲜得来亦都充满淡淡的梅子味。梅子味唔会太过夸张过浓，同鸡肉配合得非常之好。喺其他串烧店都会嗌嘅免治鸡肉软骨串，呢度嘅鸡肉串相对比较大串，而且软骨有保留增加口感。用嚟点嘅鸡蛋亦都系非常之新鲜，蛋黄非常之黄，令人垂涎欲滴。生蚝烟肉卷系估唔到咁好食， 生蚝仲保留好重嘅海鲜味，令人食完齿颊留香。串烧饭团嘅饭团烧到外脆内软，配合埋饭团上面嘅酱汁，真系令人好想再嗌多串🤩蜜糖芥茉羊架配上蜜糖芥茉酱同埋日式芥末，味道非常配合。烧羊架唔会有臊味，而且生熟程度刚刚好，现时店家嘅
内里装修同日式居酒屋相似，以唔同嘅日式清酒同埋烧酒酒瓶做装饰，增加一份特色感。适合同朋友嚟到呢度相聚畅饮。
餐牌内有唔同嘅烧物同埋串烧以供选择，花多眼乱，但大家亦可以参考店家推荐嘅食物，全部都非常好食。😋
串烧即叫即烧，全部质素都非常之高。牛舌烧完之后都非常多汁，充满口感唔会过干过硬。
我最欣赏嘅系荔枝豚肉卷。豚肉烧过薄脆，荔枝烧过之后亦都保持多汁，咬落去豚肉有淡淡的荔枝香味，非常出色。喺其他串烧店比较少见嘅食物。
另外一个充满惊喜嘅串烧，就系梅子鸡肉串。鸡肉新鲜得来亦都充满淡淡的梅子味。梅子味唔会太过夸张过浓，同鸡肉配合得非常之好。
喺其他串烧店都会嗌嘅免治鸡肉软骨串，呢度嘅鸡肉串相对比较大串，而且软骨有保留增加口感。用嚟点嘅鸡蛋亦都系非常之新鲜，蛋黄非常之黄，令人垂涎欲滴。
生蚝烟肉卷系估唔到咁好食， 生蚝仲保留好重嘅海鲜味，令人食完齿颊留香。
串烧饭团嘅饭团烧到外脆内软，配合埋饭团上面嘅酱汁，真系令人好想再嗌多串🤩
蜜糖芥茉羊架配上蜜糖芥茉酱同埋日式芥末，味道非常配合。烧羊架唔会有臊味，而且生熟程度刚刚好，现时店家嘅功力。
最后再点多个免治鸡肉地狱拉面，估唔到串烧店嘅拉面同样出色，汤底同面条嘅配合恰到好处。
黎呢啲串烧店一定要饮番杯，饮品有多款选择，就算唔饮酒，亦都有其他饮品。但当然觉得酒精同串烧系最配㗎啦。🍻🍶
张贴
