影片
更多
2023-11-23
193 浏览
一向系呢档烧牛舌嘅忠实粉丝，但今日食咗一串又冻又梅嘅牛舌，同埋一肚气！平时买亲都会问辣定唔辣，系落唔落辣粉嘅意思。今朝短发阿姐开档，叫我等20分钟，我乖乖地等，番到嚟唔对路，串嘢竟然落咗沙嗲酱。我问阿姐点解串嘢同平时唔同晒，平时唔系沙嗲酱，系干身落味粉㗎，仲有我唔食沙嗲！！！阿姐坚持：“辣就一定系沙嗲㗎啦”我话：“平时每次话辣，你地都系落红色辣粉，无酱㗎”阿姐凶凶地：“你系咪夜晚嚟食呀？夜晚唔同㗎，日头就系沙嗲”下，我心谂唔系呀嘛，日夜同一餐单唔同味㗎？咁你地舖头点解唔写明喺餐牌？我答：“总之我系唔食沙嗲嘅，宜家可以点？”阿姐话：“咁你再等多20分钟啰”我：“头先已经等咗20分钟，我无可能再等，一系退钱啦”阿姐：“无得退钱，沙嗲就沙嗲，一系你要咗佢，一系我用水冲走啲酱，再烧一烧落番味粉”我拣咗后者，佢冲走沙嗲酱，一分钟hea整完俾番我。结果，呢串牛舌又梅又冻又无味！而且受咗短发阿姐一肚气！
今朝短发阿姐开档，叫我等20分钟，我乖乖地等，番到嚟唔对路，串嘢竟然落咗沙嗲酱。
我问阿姐点解串嘢同平时唔同晒，平时唔系沙嗲酱，系干身落味粉㗎，仲有我唔食沙嗲！！！
阿姐坚持：“辣就一定系沙嗲㗎啦”
我话：“平时每次话辣，你地都系落红色辣粉，无酱㗎”
阿姐凶凶地：“你系咪夜晚嚟食呀？夜晚唔同㗎，日头就系沙嗲”
下，我心谂唔系呀嘛，日夜同一餐单唔同味㗎？咁你地舖头点解唔写明喺餐牌？
我答：“总之我系唔食沙嗲嘅，宜家可以点？”
阿姐话：“咁你再等多20分钟啰”
我：“头先已经等咗20分钟，我无可能再等，一系退钱啦”
阿姐：“无得退钱，沙嗲就沙嗲，一系你要咗佢，一系我用水冲走啲酱，再烧一烧落番味粉”
我拣咗后者，佢冲走沙嗲酱，一分钟hea整完俾番我。
结果，呢串牛舌又梅又冻又无味！而且受咗短发阿姐一肚气！
串烧牛舌
$20
34 浏览
0 赞好
0 留言
张贴
