回憶客棧 (富臨門大廈)

营业中

休息中

做左成个星期野，终于可以放松下～😚我地黎左呢间食串烧同花甲粉既回忆客栈，食下串烧饮两杯chill下🍻我地一黎就叫左一份花甲花蟹粉，因为见网上对佢地花甲粉好评十足。通常食呢类我都会先饮啖汤～😆因为有花甲同蟹系入面，所以汤好鲜甜！花蟹尺寸较细，但都有好多膏而且蟹味好香浓～花甲分量都唔少，都有六七只，啲肉好鲜甜！最正系粉丝索哂汤汁，两个人食一份刚刚好。必嗌！😍黎得串烧店，点可以唔叫烧物。我地叫左烧鳗鱼串、安格斯牛柳粒、鸡泡鱼干、烧猪仔肉同埋半打烧蚝。鳗鱼串好正！唔会腥，而且个汁唔会死甜。又系必嗌之选🤣牛柳粒做左简单调味，肉味都浓，有几粒烧得岩好，但有几粒就烧过火左啲啲，咬落相对比较靭。但都明白因为牛柳粒本身粒粒大小不一，一齐烧又要做到粒粒平均好难。鸡泡鱼干都唔错，作为佐酒小食同前菜冇得输！👍🏻而我地全晚最期待就系烧蚝🤤蚝尺寸唔细，蚝味好浓 ，连埋葱蒜一齐食好惹味～我地见花甲粉仲有粉丝，就连埋蒜一齐食，绝配🤭整体黎讲，今餐我地慢慢食下饮下酒咁好舒服好满足～☺️而且食物价钱唔贵，平均每人150至200就可以食得好饱。