尚鮮海鮮料理 (已結業)

疫情下，出街食饭都想安心啲，就会拣啲设计宽敞啲嘅餐厅，咁啱响社交平台见到朋友去咗呢间日本餐厅，见到格局好宽敞，咁我都嚟呢度试下啦！原来呢度除咗有火锅套餐，私房菜，仲有串烧锅物等。 。。想食得简单啲，我哋只系单点咗啲日本料理。先点了一个日式味噌蚝锅🍜来填饱个肚😆，生蚝经酥炸，有6只，对比一般餐厅都算几多生蚝，而且酥炸完浸汤啲粉浆都唔会散开👍，面底系乌冬，汤味好浓，加返啲蒟蒻同萝卜，相对健康清新啲。土匪鸡翼又几似3哥果啲，不过麻香味更浓，我更喜欢。纸包烧野菜 味道较淡口，纯粹系健康之选。之后就点咗啲串烧🍢，谂住坐慢慢坐多阵。烧炸鱼角烧墨鱼丸相信本身系用来做火锅料，但烧嘅手势相当唔错，唔会爆开又唔会㶶晒，皮干内软。玉子烧棒棒中间芝心，但再多啲芝士会更正， 做到满泻效果更好。😋烧鸡肉串鸡肉好嫩，咬落有汁够juicy，新鲜嫩滑，而且唔太咸，空口食啱啱好，唔口渴。烧芝心牛丸呢个最正，芝士爆多，食之前侍应都叫我哋小心一啲，一咬落去标汁跟住标芝士，重要标完芝士后仲系有好多芝士系入面， 而且呢只芝士味比玉子果款更浓香。