芝加哥串燒 (美豐花園) (已結業)

收工去开大埔墟，有朋友介绍，太和间串烧几正又唔贵，又有手工啤饮，所以兜一兜黎试下。店内唔多位，4张枱，十多个位。亦都有户外位，不过天气热都无乜人坐。叫左支手工啤，梨味无咁甜，酒味唔算好重，好易入口。香草芝士焗杂菌，一啲都唔淡，芝士唔多所以无抢走啲菇味，再加上香草吊味，味道一流！雪花牛肉串同和牛串，两者肉味都好重，和牛因为夹住大葱烧比较香，而雪花牛肉就烧得比较淋。盐烧牛舌，唔算好厚，所以食落唔韧好爽口。盐烧同蜜糖鸡翼，一啲都唔干，咬落去啲肉汁仲漏紧出黎，不过蜜糖再落多少少会更好味。原条黄立䲝烧，好香，始终烧鱼都会有啲腥味，不过唔洗落柠檬都接受到，始终落左柠檬就会抢左鱼本身既味，所以建议大家试左先睇下落唔落柠檬。招牌茄子烧，唔少地方都有得食，不过大部份铺都比较吝啬放系上面既调味料。呢到就唔同，茄子上面既葱蒜都好多，所以味道完全足够。