Shack Tapazaka

营业中

休息中

系铜锣湾经过呢间酒吧，觉得几特别，西式酒吧但配日式串烧，所以见肚饿又想饮野就入左去试试。酒吧位于耀华街地铺，唔难揾，因为7点都未到，所以都唔算多人，唔洗等位就入得。我哋叫左柚子油甘鱼碎紫菜卷、日式炸豆腐、烧鸡软骨、日本小青椒、烧牛舌、同埋四式串烧。酒方面，叫左白残波泡盛、残波青柠泡盛，仲有lemon grass cocktail。食物都算快到，柚子油甘鱼碎紫菜卷，油甘鱼同柚子估唔到咁夹，鱼既鲜甜加埋清爽既柚子味，用紫菜包住食啱啱好，推介。日式炸豆腐，每次去唔同既居酒屋都会叫，今次都唔例外，同想像中味道一样，外脆内软，好食😋烧鸡软骨、日本小青椒、烧牛舌、同埋四式串烧，都烧得唔错，虽然冇乜大惊喜，但烧得啱啱好，热辣辣，唔错，不过如果烧既时候可以落多啲盐，应该会更惹味。