渡船角海鹽燒 (已結業)

行完圆方黎左旧佐敦揾食，呢度真系好多串烧舖，间间都香喷喷真系唔知点拣好，是晚拣有渡船角海盐烧，睇落干净光猛，感觉良好。坐低睇下食咩先，餐牌有两大本，一本系食串烧，一本系食西式意粉意大利饭咁，好新奇，无谂过串烧店有呢啲食。随便点了几样野，先来个蒜香茄子，上枱时香味十足，蒜容味扑鼻而黎，茄子烧得香口，不算油腻，蒜香真系好正。另外仲叫左呢几样，烧三文鱼饭团，size细细的适合一人独享，饭团加了酱油去烧，外面香脆又甜甜地，好有香焦嘅感觉。烧牛仔骨肥美甘香，牛仔骨旁边的牛脂烧起上黎真系好正。烧墨鱼丸，餐牌上写是手打的，真系几弹牙㖞。烧牛舌芯，超嫩滑，入口软腍好正。全后整左碗鲁肉饭，始终习惯有点米饭到肚嘛，鲁肉肥瘦比例适中，调味不错，用的是珍珠米，简单又好味。仲有好多烧海鲜想食，下次同朋友黎可多叫一点试试。