大山日本料理

营业中

休息中

最近转咗工，九龙区返工点能够唔揾吓九龙区有咩食，今日收工就约咗男朋友系旺角等，再行下睇下食乜野。行咗一阵就发现兆万中心嘅对面开咗一间新嘅日本嘢，钟意试新野嘅我哋梗系要去试吓啦打开Menu之后发现，价钱相当相宜，令我不禁怀疑🤔会唔会唔好食㗎？不过结果令我刮目相看😍食物不单止好食而且服务都好好带子刺身 $68嚟到食日本菜，又点可以唔食刺身呢，呢个带子刺身粒粒都好大只，肉身极富弹性，味道鲜味甘甜，鲜味浓郁。室津生蚝 $78/2只生蚝肉厚肥美，配左少少青柠汁，好醒胃，而且$78可以有咁既质素，我个人认为好值得一试。手打冷乌冬 $58真系手打嘅冷乌冬买少见少，如果再加埋生嘅鹌鹑蛋就仲少见，今日食呢个乌冬，系我近年见过最有诚意，不论喺配料上面，定系乌冬嘅质感，都做得好好。盐烧厚切牛舌串 $38牛舌够晒厚身，又爽口又有口感，呢度烧既牛舌，肉嫩多汁，超级好味，火喉真系岩岩好，呢间铺烧既串烧真系唔错！鸡翼串烧 $28不论调味定肉质，都非常咁好，唔会太咸，食落又唔会干争争，值得一试。