喜聚燒 (已結業)

星期六去呢间串烧店送一份烧日本鳕鱼干，新鲜烧起好香脆😋喜聚麻辣滋补鲜乌鸡乌鸡皮爽肉嫩，麻辣系台式𠮶种，唔会得个辣字，我哋要咗BB辣，好香好惹味😋麻辣四姊妹有莲藕、莴笋、云耳、淮山同埋笋，用蜡烛困住，食到尾都保持温度，爽脆爽脆，麻辣香口😋海鲜方面，我哋试咗扇贝同埋贵妃蚌，两款都好新鲜👍🏻扇贝厚肉鲜味，加上蒜蓉粉丝，好惹味。贵妃蚌鲜甜爽滑，一啲都唔会韧，正😋串烧方面，我最钟意安格斯肉眼串，睇佢唔出肉质好淋，烧得啱啱好👍🏻烟肉韭菜卷都好食，我好钟意食韭菜，呢个卷够晒多韭菜，包住嘅烟肉肥瘦适中，烧完之后多余嘅油脂已经滂泻晒出嚟，食嘅时候唔会肥腻，又香😋我仲推荐烧烧卖，我哋拣咗沙嗲味，烧卖烧得外皮脆脆，里面烟韧软糯，加上一啲惹味沙嗲酱，好正。主食方面，我哋试咗墨西哥黑松露芝士薄饼，里面嘅芝士奶香原味，配上嘢味嘅酸辣椒，好醒胃。