木屋炭火 (已結業)

喺慈云山呢个咁多好嘢食嘅地方，食店要杀出条血路真系唔容易架。好似呢间串烧店，最初喺黄大仙沙田坳道铁皮屋摆街，跟住喺𠮶度租咗间铁皮屋舖，由于舖位太细，无座位供应，最后老板选择喺慈云山开舖。虽然宜家舖位都唔系大，但胜在可以开枱摆街，总算提供座位堂食，咁做多好多生意架。另外，串烧种类又比以前多咗，起码多咗唔少海鲜嘞！其实小店嘅收费大众化，可谓物超所值。老板烧每种食物都落足心机，绝对将食物生烧至熟。因为我最讨厌一些食店为求方便，将食材先炸熟再补一补烧，这绝对是欺客的行为，无资格叫做串烧店。所以“木屋炭火”呢类小店买少见少，值得一试！盐烧𫚭鱼才五十蚊，用盐简单烧熟，鲜味非常，皮脆肉滑，食味恰到好处，堂食上佳之选。烧鸡中翼$18三只，烧鸡皮$18三串，非常抵食，唔会烧到过㶶，恰到好处，鸡皮食时仍有脆口嘅感觉，不得不赞。如果肉食太多，可以拣选蔬菜类中和油腻感，店主提供不少蔬菜供客人选择，如：翠玉瓜、鲜冬菇、烧茄子、烧尖椒和炒杂菜等。而我就拣咗烧尖椒，希望老板可以卖埋烧韮菜及菠萝，就达到极至嘞！论装修同外貌食店未必可以第一时间吸引食客入内，但食过总会番寻味。正所谓“禾秆冚珍珠”，喺慈云山咁多老饕聚集嘅