廿一前 (已結業)

应该系我第一次食到禁多种类嘅火锅任食，除左火锅，仲有串烧、炸串、天妇罗、刺食同自助区任食任饮，种类多到数唔晒。我地拣左麻辣锅底，好多香料好够辣，餐厅一台会送一个海鲜拼盘，都几新鲜，钟意食海鲜嘅可以任食佢地刺食，品质都唔错。食完一轮火锅，可以叫佢地嘅串烧炸物，我推介佢地嘅薄烧牛舌、五花腩露荀同烧鸡皮，即叫即烧，将多余嘅油都烧晒出嚟，非常香，而炸物我就推介炸午餐肉，上台仲热辣辣，即刻食或者用黎打边炉都唔错。