芝加哥串燒酒場 (太和中心)

好一段时间无行开太和呢边，今日过开去同好朋友敍一敍饮返两杯，真系又要出篇文大赞芝加哥串烧酒场。香港地酒吧都唔算少，但有得食住串烧咁饮酒真系人生乐事仲可以睇埋波添五点九左右入座都已经有几台客，去到七点几八点走都七成满，果然仲好旺场芝加哥啲串烧同小食真系极度丰富，海鲜、肉类、蔬菜、小食等等加埋差唔多成百款选择海鲜类-蛏子王&扇贝&白鳝&鳗鱼海鲜最快到，加少少蒜已经烧到好香，配埋白酒真系好夹白鳝同鳗鱼啲油香烧起上嚟又系好香口纸鹞鸡皮呢个纸鹞鸡皮系芝加哥招牌特色，嚟到一定要试吓炸大八爪鱼足私心推介，每次嚟到都必点，烟烟韧韧真系好啱送酒🍻另外仲有几十款串烧同小食，真系介绍唔晒，每次嚟都想试均佢，但真系要嚟多几次先试得晒