串燒咖啡 (已結業)

本身谂住去烧嘢食，但突然之间落雨搞到冇得烧嘢食。 我朋友就话食住串烧顶住当先，之后就揾咗依家间串烧咖啡，谂住旺角大家都就脚。上去餐厅等lift时间比较耐，如果想上去食嘢嘅话就要比小小耐性等lift。餐厅播放电影同歌，而且有唔同嘅游戏玩，卡game等。 座位上全部都系沙发坐得比较舒适，而且座位 好够宽阔。地方环境都干净，地面非常干爽。我同朋友上咗嚟主要都系谂住食串烧，因为我哋睇过呢度嘅串烧选择都颇为多。 肠类 丸类 海鲜类 生果 肉类 蔬菜类。同个朋友叫嘅款式都唔算太多，我哋来来去去都系𠮶几款野。 烧原只茄子($32)，面层铺满左好多蒜，茄子烧到够爽，唔会话系淋啤啤。串烧方面，店员解释，系一边烧一边加上特制嘅酱汁，酱汁系有少少辣，但食落都几开胃。肠仔蟹柳烧吊筒仔鸡软骨烧鸡肾。 蟹柳嘅数量平日出面数量多，有成六条。烧到出嚟，唔会话烧到有啲蟹柳散晒，会一条蟹柳都仲好完整。鸡软骨烧得外面较为脆身，又吾会烧到好硬。吊筒仔烧完依然有鲜味弹牙。特制酱汁真系唔错，有我唔会盖过左嘢食本身嘅味道。