喜聚燒 (已結業)

尖沙咀宝勒巷10 Prat 有好多上楼餐厅，今日去到其中一间8楼嘅喜聚烧。餐厅系日本居酒屋风格，细细间，装修几有气氛，好适合三五知己饮嘢食串烧。饮品选择除咗有啤酒，仲有清酒，汽水。除咗串烧之外，餐厅主打麻辣滋补乌鸡和海鲜，所以我地就叫咗：麻辣滋补乌鸡烧珍宝大扇贝烧日本广岛生蚝泰式烧原只鲜鱿鱼黑啤牛仔骨烧牛助条麻辣滋补乌鸡，系餐厅自创菜式，上枱嘅时候系会有一个炉，下面有火暖住。乌鸡仲配埋虫草花一齐炒，成件事感觉好滋补有益。😃虽然佢个名有麻辣两个字，其实唔系好辣，而且仲少少甜，好啱口味。不得不提餐厅而家做紧6周年优惠， $88有六只烧日本广岛生蚝，超抵。平时3只都$78。所以趁住有优惠一定要叫😆。蚝都几大只，好饱满，鲜味。大扇贝同鱿鱼都新鲜，大扇贝真系好大，好惹味。鱿鱼就好适合送啤酒，好香炭烧味。黑啤牛仔骨，好厚肉，好大件，一客仲有两件。烧牛肋条就甜甜地，味道有嘅韩feel 。店员服务态度都好亲切，饮品收费唔算贵。