影片
更多
2017-03-01
360 浏览
今日约咗一大班朋友食晚饭，但5点多我已经去到佐敦，好彩另一个好友都早咗出黎，想行街又冇咩地方想去，佢就话不如揾个地方坐低倾下计，上网揾到呢间食串烧，一于去试下。离远已经见到大大个招牌，好易揾，6点钟已经有几枱客人，坐位都算舒适，倾计好选择。由于我同好友都有对蚝情有独钟，见佢必食推介都系蚝，于是叫咗个蚝汤同蚝锅。先黎个蚝汤，天气冻冻地，黎个热辣辣嘅汤暖下胃，蚝味十足，加咗少少黑椒，一啲都唔腥，只蚝仲好大只，肥美，正呀！饮完个汤，暖完胃就更加肚饿，再黎牛脷串烧，烧得刚刚好，牛脷好林，易咬，而且质感好软绵绵咁，好好食呀！猪心片串烧，平时好少会食，佢又唔完全似肾咁爽口，但系呢又唔系猪肉咁林㖞，系介乎两者之间，有少少爽爽地口，好特别，而且味道一流，亦烧得好好，唔会烧㶶晒。烧白鳝，白鳝一向都好香鱼油味，加上烧，真系冇得弹，而且佢地用嘅白鳝好新鲜，好肥味，烧完入口啲鱼油出晒黎，正!再黎紧系烧蚝啦，爱蚝之人必食，海盐烧蚝，原汁原味，佢地嘅蚝真系唔讲得笑，只只都好肥好鲜甜，我地连个壳啲蚝汁都饮埋，新鲜嘅蚝系一啲腥味都唔会有！另外叫咗杂菇包，有3，4款唔同嘅菇，劲多蒜蓉，所以好香，如果加返多少少牛油就仲
离远已经见到大大个招牌，好易揾，6点钟已经有几枱客人，坐位都算舒适，倾计好选择。
由于我同好友都有对蚝情有独钟，见佢必食推介都系蚝，于是叫咗个蚝汤同蚝锅。先黎个蚝汤，天气冻冻地，黎个热辣辣嘅汤暖下胃，蚝味十足，加咗少少黑椒，一啲都唔腥，只蚝仲好大只，肥美，正呀！
饮完个汤，暖完胃就更加肚饿，再黎牛脷串烧，烧得刚刚好，牛脷好林，易咬，而且质感好软绵绵咁，好好食呀！
猪心片串烧，平时好少会食，佢又唔完全似肾咁爽口，但系呢又唔系猪肉咁林㖞，系介乎两者之间，有少少爽爽地口，好特别，而且味道一流，亦烧得好好，唔会烧㶶晒。
烧白鳝，白鳝一向都好香鱼油味，加上烧，真系冇得弹，而且佢地用嘅白鳝好新鲜，好肥味，烧完入口啲鱼油出晒黎，正!
再黎紧系烧蚝啦，爱蚝之人必食，海盐烧蚝，原汁原味，佢地嘅蚝真系唔讲得笑，只只都好肥好鲜甜，我地连个壳啲蚝汁都饮埋，新鲜嘅蚝系一啲腥味都唔会有！
另外叫咗杂菇包，有3，4款唔同嘅菇，劲多蒜蓉，所以好香，如果加返多少少牛油就仲正!
好友话食蚝食唔够，于是又叫多个雪山豚骨广岛蚝锅，个汤底好香海鲜味，有少少菇，豆腐，有几只肥嘟嘟嘅蚝，满足下好友对蚝嘅热爱。
最后仲加多个芝士焗蟹肉多士，用法包做底，脆口，而且加埋少少肉酱同蟹肉，唔会漏，食多几件都仲得呀！
总结: 倾计吹水好地方，走嘅时候都已经坐满咗9成，个个都系食串烧饮啤酒，下次早收工又多一个Happy hour好地方。另外，原来佢地对面有间生蚝专门店，不过今次我地未试，见佢地个生蚝menu有几十款，价钱都好抵，下次一定要再黎试下生蚝！
张贴
