心一 · 影

营业中

休息中

今日同朋友一齐去食呢间位于湾仔嘅omakase朋友讲先知呢间餐厅原来除左食寿司刺身嘅omakase,仲有串烧嘅omakese今次就试下佢个串烧omakese前菜有薯仔沙律，鲍鱼同烧酒萝卜刺身有𫚕鱼，立鱼，八爪鱼脚臂 同莲藕渍刺身食得出好新鲜，八爪鱼脚臂一啲都唔韧，配埋少少Wasabi 食，好正。到烧物方面烧腩肉外皮烧得香脆，食落有油香但唔会油腻。餐厅对上菜嘅顺序有心思排过，食完腩肉就上左碟烧葱，食个葱会fresh 返。鸡肉棒同外面食嘅唔同，佢热辣辣而且食到鸡肉嘅味，好食过 其他舖头 同类型嘅鸡肉棒。烧北海道粟米，甜甜咸咸，秋冬食特别好食。最后一样好值得赞嘅系，食串烧最怕食到自己一大阵串烧味，但呢度系阻隔油烟方面做得好好，食完基本上个身都唔会有味。