影片
更多
2018-11-17
1360 浏览
讲到大阪，喺有一种好唔同嘅感觉，因为小弟第一次去日本，正正就喺去关西，虽然自由行，但都有啲大贪，一次过去咗大阪、京都、神户及和歌山，当然大阪就留得最多日，可是，已经喺十多年前嘅事。最近，就同朋友夹紧时间，打算明年再访。不过，香港既为美食天堂，想食大阪嘢当然无难度啦，近日就由食友推介，嚟到晌铜锣湾新开无耐主打「串カツ」（炸串）嘅「JunG39 Japan」。未走入餐厅，晌门口，已感受到丝丝日本居酒屋嘅气氛，皆因有个日本麒麟啤嘅小酒桶，又有啲日本资讯，以及介绍香港，但喺俾日本人睇嘅日文刊物。而踏进餐厅，一室木系装修，左边嘅吧枱位更可以睇住主厨做菜。初时嘅感觉未叫得好日本风，大抵因为唔喺有太多和式摆设，而坐耐咗，感觉又变得好唔同，店长，以及好多店员，甚至客人，好多都喺日本人，日文满场飞，蛮有气氛，唔讲都以为自己晌日本呀。不过，放心，当晚有一位识听广东话嘅日藉女侍应，更有一位识讲日文嘅香港女侍应，所以，唔怕沟通唔到。此外，留意多少少，就发觉晌一啲小摆设度就散发出和风气色。最深印象嘅，就喺啲筷子托，我𠮶只正正就喺带有祝福意思嘅日本纸鹤；友人𠮶只就喺牛牛。仲有好几款调味料，已放晌枱上，自由取用，不
未走入餐厅，晌门口，已感受到丝丝日本居酒屋嘅气氛，皆因有个日本麒麟啤嘅小酒桶，又有啲日本资讯，以及介绍香港，但喺俾日本人睇嘅日文刊物。
而踏进餐厅，一室木系装修，左边嘅吧枱位更可以睇住主厨做菜。初时嘅感觉未叫得好日本风，大抵因为唔喺有太多和式摆设，而坐耐咗，感觉又变得好唔同，店长，以及好多店员，甚至客人，好多都喺日本人，日文满场飞，蛮有气氛，唔讲都以为自己晌日本呀。不过，放心，当晚有一位识听广东话嘅日藉女侍应，更有一位识讲日文嘅香港女侍应，所以，唔怕沟通唔到。
此外，留意多少少，就发觉晌一啲小摆设度就散发出和风气色。最深印象嘅，就喺啲筷子托，我𠮶只正正就喺带有祝福意思嘅日本纸鹤；友人𠮶只就喺牛牛。
仲有好几款调味料，已放晌枱上，自由取用，不过，小弟就成晚都无用过，因为部份菜式已伴有汁酱，就算无嘅，本身嘅调味已恰到好处，唔使再添加。
两大张点菜纸就喺餐牌喇，中英日文对照，又列晒编号，所以，就算无识广东话嘅侍应，点菜都唔成问题，好似我哋去日本，都唔识讲日文架啦。而点菜纸将菜式类别大致分为小食、沙律、扬物、食事和甜品等多种，太多嘢唔知拣咩好，就不如从见印有「名物」标志嘅菜式入手。
而另一张就喺店家嘅主打「炸串」，足足有40多款，细分为肉类、野菜类、海鲜类、G39特别类、鱼蓉类及卷类，大部份都喺十零廿蚊，只有数款先喺三、四十。所有食物，都由日藉厨师主理，唔多唔少都增加多啲信心。
除此之外，咪错过餐厅后方一块大黑板，喺餐牌以外嘅特色菜或推介菜式。
既然走居酒屋路线，当然有很多酒类饮品供应啦，餐酒、清酒、烧酎、梅酒、水果味生啤、鸡尾酒……等等，特色酒品任你拣，酒迷真喺唔好错过。咁唔饮酒点算，无问题吖，有少量汽水、梳打供应。
热情果特饮 $45呢个无晌餐牌内，喺侍应嘅推介，除热情果，仲有多款口味。入口冰凉酸爽，更有种清新味蕾嘅作用，配炸串夹到无朋友。
热情果特饮
$45
23 浏览
0 赞好
0 留言
友人就稳阵啲，拣杯乳酸梳打，同样喺谂住清爽啲嚟配啲小食、炸串等等。
大陂传统料理土手煮 $38睇中文唔知佢喺乜，睇英文你就知喺啲味噌牛筋，仲加埋少少魔芋。咦，正㖞，啲牛筋炆得好腍，却不失咬口，沾满特制嘅面豉酱汁，浓香好味，相信捞饭一流。
大陂传统料理土手煮
$38
18 浏览
0 赞好
0 留言
安纳芋蓉沙律 $45虽然叫芋蓉，其实日本汉字嘅红芋，就即喺蕃薯，侍应话呢种「安纳芋」喺嚟自鹿儿岛，煮熟后嘅甜度比普通嘅日本番薯高几倍。果然劲清甜，极有蕃薯香味，质感又绵滑，最惊喜喺蕃薯蓉中混有烟肉及粟米粒，多添一份咬口感。
安纳芋蓉沙律
$45
32 浏览
0 赞好
0 留言
「卡尔帕乔」喺乜？睇中文喺完全估佢唔到，但睇番英文就知喺意大利名菜「薄切生牛肉」（Carpaccio），不过，就用上鹿儿岛A4和牛刺身，立时「升呢」咗几级。睇见啲油花，就觉得喺好高质素，淋上油醋，配以紫洋葱丝及火箭菜，卷起一啖放入口，𠮶份油香、柔滑感，真喺无得顶，细致鲜嫩。怕太油嘅朋友，就不妨唧少少柠汁中和一下。
和牛卡尔帕乔
$118
38 浏览
0 赞好
0 留言
大阪代表美食章鱼仙 $38章鱼烧相信唔少人都食过，冠以「大阪代表」，晌当地确喺一种好平民、好大众化嘅美食。一客有6粒，抵㖞，而且 ，粒粒烧到金黄，并淋上沙律酱及日式烧汁，糁上大量木鱼碎，卖相好睇。咬落香软，食味不俗。底下仲垫有一大片虾饼，都几特色，不过被啲酱汁整腍咗，变得好韧身，搣起嚟有啲「论尽」啫。
炸串拼盘上文都讲过，啲炸串都喺十零蚊串，唔觉唔觉就会点咗好多。一口气就嚟齐8款：特选牛（$18）、五花肉（$18）、鸡腿肉（$18）、沙椎鱼（$18）、子持昆布（$48）、芦笋（$12）、冬菇（$12）及卡门贝尔芝士（$20），并伴以新鲜嘅椰菜，而啲椰菜爽脆到不得了，更可以添食架。好在早前啱啱睇过周奕玮嘅「周游东京」，知道啲炸串食过就唔可以再直接沾酱汁，而喺用啲椰菜当匙羹滔啲汁上嚟。讲到啲炸串，层粉浆超薄，咬落酥脆不腻，完全唔觉会热气，沾一沾自家制带微酸嘅酱汁，更有画龙点睛之效，而且，每样食材都高质，不愧 「串カツ専门店」。
炸串拼盘
21 浏览
1 赞好
0 留言
喺呢期嘅推介特色菜，因为个「烧」字，初以为会喺较干身嘅料理，但原喺应该喺「炒」牛肠。唔好理佢烧定炒，总之好食，牛肠味道香浓，口感柔韧，最紧要喺完全无肠脏种臊味，喺佐酒良朋。
铜锣湾一向喺饮食潮流集中地，竞争几大，可谓寸土必争。既然喺由日藉师傅开嘅店，自然增加咗多啲信心，餐厅嘅一切营运、管理都喺日式水平，故此，招呼一环做到熨贴称心，侍应态度亲切有礼，再者，啲菜式确喺几有特色，坊间少见。温馨提示，餐厅由旁晚先开始营业，直到深夜，晚上11点后更提供深夜限定特色菜，甚有深宵食堂嘅影子，记得唔好晏昼摸上嚟呀！
张贴
