咕咾 (已結業)

咕咾 Goolo 位于 佐敦同尖沙咀之间嘅柯士甸路， 简单啲嚟讲其实即系三角公厕对面。 餐厅唔大， 座位唔多， 因为其实都只系以咕噜肉作为 主打小食。 但系我想讲餐厅其实装修得好摩登， 以石屎水黎做主打装修， 配上唔同嘅酒吧樽， 以及霓虹灯作吊饰， 有股怀旧嘅风味。酥炸咕咾猪呢度既主打系猪肉， 以冇激素嘅丹麦皇冠猪肉嚟做成咕噜肉。 今次因为想饱啲，所以叫咗刈包， 刈梗系中间夹著呢到主打的 咕噜 猪扒。猪扒选自肉质腍软无筋的梅头肉， 而且仲有 大大块厚菠萝，加埋店里自家制的咕咾 菠萝 酱，酸甜开胃由唔会太过腻。随包附送的系两条健康条， 有青瓜同甘笋， 可以喺 5款不同酱汁拣一款，而我就拣左金沙蛋黄酱， 平时可能唔系咁钟意就咁食甘笋，但系配埋流沙嘅咸蛋酱， 原来又好好食。 炸菇菇另外随餐又可以加配 炸菇菇， 啲姑仔得唔油腻，有少少咸香， 加埋流沙嘅蛋黄酱， 邪恶得嚟又忍唔住一口接一口。洛神花茶啤酒另外又叫咗一杯 呢度自家制嘅 洛神花茶啤酒， 其实系冇酒喺入面嘅， 上面嘅泡泡系嚟自用蜜糖打成嘅泡泡， 酸甜得嚟 又非常过瘾。