東方素

营业中

休息中

东方素位于东方小祇园旁边嘅商业大厦，位置算方便👍🏼。佢主打中式素菜，虽然佢强调系时尚、新派素食，但我觉得整体食物款式较普通，菜式类似大自然素食。一开门见到餐厅门外好黑，以为佢未开始做晚市，行入餐厅见到有人食饭先肯定佢已开始营业。环境比我想像中细，灯光较暗，墙身挂有心经同唔同嘅典句，周围嘅布置以暗色为主。⠀⠀⠀⠀⠀⠀⠀⠀⠀⠀⠀⠀🥢松露青豆汁新猪肉莲球 ($108)食落有阵阵嘅黑松露香味，初时见到佢系炸，以为会好油腻，但食落又唔会觉得油腻。新猪肉球嘅皮够薄身👍🏼，外脆内绵，𠮶肉馅似芋蓉，可能因为佢将新猪肉打到好烂，馅料有新猪肉、莲藕粒、粟米粒。⠀⠀⠀⠀⠀⠀⠀⠀⠀⠀⠀⠀🥢日式乌冬 ($65)味道偏咸☹，材料有类似素叉烧嘅素肉 (口感烟韧)、椰菜、紫椰菜、银芽、黄椒。⠀⠀⠀⠀⠀⠀⠀⠀⠀⠀⠀⠀🥢荔湾艇仔粥 ($38/ 碗)口感较杰身，材料有素蟹柳、素鱿鱼、免治牛、花生等。