喜惶點心專門店

营业中

休息中

干蒸牛肉烧卖（$32）口感好特别，好软绵好gel（有可能系啲免治牛挞到起胶），牛肉味系有嘅。加少少喼汁吊味更好。脆皮沙嗲牛肉包（$30）最后一款上枱，即炸，热辣辣。包的确系脆卜卜，有少少似炸馒头，但油咗丁丁。里面沙嗲牛并唔系牛肉片，系牛肉碎。沙嗲味唔算浓，但够味的。姜葱牛柏叶（$33）推荐。姜葱汁够哂味，牛柏叶索哂啲味，而且牛柏叶煮得好好，有咬口，弹牙，但又软身。可惜垫底两件白萝卜，有一旧系“肾”嘅。荷叶黑椒牛仔骨饭（$52）牛仔骨够腍（但疑似用咗松肉粉），有牛味，唔算太肥，但有两件骨比较大，冇乜肉食。饭底勉强合格，因为少少偏湿。鲜虾炸云吞（$29）唔太得，虽然脆卜卜，但好油。中间包𠮶只虾唔算大只，亦唔爽口。老火汤（大）胡椒猪肚汤（$12）够哂胡椒味，驱湿驱寒驱风。除咗猪肉、猪肚，仲有用白豆煲，较少见到。$6位茶，冇收加一，只收现金。