杏甜品 (香檳大廈) (已結業)

Almond Dessert 杏甜品主打用杏仁做甜品，标榜以少糖健康，仲要有素食选择超贴心，当中更有标示边啲系全素，冻、热、中式、西式甜品一应俱全！芝麻杏仁茶 $39★★★★★看似平平无其，但饮落有惊喜，个杏仁茶好细滑又香浓，唔会有杏霜或者冲粉口味道。加埋个浓郁芝麻糊，比例控制得刚刚好，唔会抢走哂啲味道，主角依然系杏仁，但系两者好融和，饮哂成碗都唔油腻，推荐。猫山皇榴梿爽冰 $59★★★★☆猫山皇雪糕加榴梿爽冰，个冰好绵唔会水稀稀，榴梿味又重，加埋啲珠珠，食落有口感。猫山皇雪糕超级浓又滑，每一啖都好似食紧榴梿咁正，两样野加埋无敌，榴梿粉丝必点！椰皇猫山王炖双皮奶 $75★★★★☆椰皇双皮奶同猫山王蓉分开上，建议大家先试左双皮奶原味先至加捞埋猫山王果蓉。因为完全两种享受。个双皮奶系超级香滑，有蛋白香又有椰香味，好正！而呢个猫山皇球又同雪糕唔同，似系猫山王果蓉，食落口无咁细滑，但味道同样重！两者捞埋食又系另一种感觉，大家记得刮埋椰肉食，轻轻一刮已经搞掂，够哂爽甜！抹茶汤圆 $45★★★★☆汤圆外皮虽然系绿色，但唔系加左抹茶粉，反而用左菜汁之成。呈半透明汤圆皮入口烟韧，入面内馅有流心抹茶馅，