糙米家 (已結業)

原本谂住食北角好出名嘅瑞士鸡脾，但系因为系食晏时间，果间餐厅大排长龙，于是我同朋友决定起附近再揾下有咩好食。咁啱发现附近新开咗糙米家，于是决定入去试下。入到去店员帮我地安排坐位，餐厅环境唔错。落单之后，等咗大概唔够10分钟就送齐野食。我叫咗椰香辣汁猪扒糙米饭，原本叫果阵以为系加咗好多椰汁嘅咖哩，但系食咗啖发觉原来唔系，个汁好重椰汁味，加咗好多辣椒，唔似系白咖哩嘅味，辣而不麻，猪扒普通，饭就加咗糙米同红米，又健康又好食，不过个汁就真系唔系咁啱我胃口。反而见朋友叫嘅蕃茄鸡扒饭嘅鸡扒超大块，好吸引，但系佢就觉得系屋企都会食到嘅味，对于钟意食住家饭嘅人，依个饭就几适合佢地。