好叉好味 (多寶樓) (已結業)

主打叉烧但系最好味既竟然系小食😳?!呢间以叉烧打响名堂既外卖店相信唔少人都听过，原来佢地可以将饭转沙律自制减碳水餐，可以健康地食烧腊咁就试下先🐷黄金叉烧套餐转沙律底，配小食及饮品叉烧份量都几多，乜脂肪比例都有啲，但以瘦叉偏多，我自己钟意食瘦叉所以正好。叉烧肉质几淋，唔韧而且冇猪臭味，但亦都唔太食到咸蛋黄味😔沙律菜唔算多，胃口较大人士未必够食。因为沙律亦有酱汁既关系(味道似柚子醋)，同叉烧酱汁捞埋一旧之黎，底下既沙律菜就有啲太咸同太浓味了，走沙律汁应该会比较好味。另外仲跟左一只脆边流心蛋，食落仲系好脆，仲好多蛋汁，可以话成个主食最好味系只蛋🤣随餐仲有半份小食，我就拣左虾角🦐呢个虾角绝对系今餐既MVP，虾肉好弹牙极有鲜味，而且啖啖都系虾肉，份量冇欺场，仲极之脆，可以想像成三角形既春卷但仲要比春卷更薄脆更好味👍🏻👍🏻👍🏻为左个虾角应该会再去🤣