永恆豬雜粉

营业中

休息中

听谷友讲开左间新面店仲几好食，是日特登黎揾下，地点都唔算难揾，系水车馆街，呢条街都好多野食。门口有个猪头几吸睛，写住全部系新鲜猪杂，仲系即叫即煮㖞，试下先。餐牌简单直接，全部都系猪，价钱仲好贴地添。点完野就慢慢等食，小店不大，只有三张枱，等食期间都唔少人外卖。叫左份特价双并面加配卤水小食半份+饮品，全部加埋都系$66，抵食。碗面系猪润瘦肉米粉，谂紧要猪杂好定猪润好，最后拣左后者，其实两样都想食啦。猪润清洁做得好，入口柔软爽滑，无化学味，瘦肉亦很鲜味，系好食㖞。米粉份量都唔少，清汤底都好味，有芫茜粒正呀。小食系卤水大肠，唔知仲有咩卤水小食拣呢，餐牌得大肠，但我估应该有其他野拣。半份大肠份量也不少，肥滋滋有咬口，卤水汁带甜，卤得入味好食噃。再饮埋支蜜桃红茶，够哂冻，天气热饮冻饮特别爽。价钱唔贵又好食，有下次㖞。临走前先留意到原来佢自设肉档，仲有三间分店添，咁啲猪真系确保新鲜，正。