明記 • 潮鍋 (已結業)

平时打边炉除咗食牛，最钟意就系食海鲜，所以同朋友拣咗喺旺角呢间有好多海鲜食嘅火锅店😋我哋点咗至尊海鲜套餐B，又有刺身又有海鲜，再额外加咗啲牛，丸同菜，非常丰富🤣汤底我哋拣咗南瓜鸡汤，觉得好夹海鲜嘅鲜味，但亦唔会太刺激抢走食材嘅味道🙆🏻‍♀️套餐嘅刺身有好多款，有三文鱼，油甘鱼，希灵鱼，鱿鱼，北寄贝。本身以为火锅店嘅刺身冇乜特别，不过原来全部都好新鲜，所以令我更期待火锅嘅海鲜🙆🏻‍♀️海鲜拼盘非常丰富，有四款系固定，八款系根据当日合宜嘅食材由厨师发办💁🏻‍♀️餐枱隔离有一个建议烹煮时间，俾我哋唔会煮到啲海鲜过熟而唔好食👍龙虾肉质好厚实爽口。鲍鱼同蛏子王都非常大只，跟餐厅建议嘅烹煮时间煮，识落啱啱好唔会过熟，爽口弹牙🙆🏻‍♀️另外我都好钟意带子，十分鲜甜😋虽然呢度主打海鲜，但佢嘅其他配料都唔马虎！手切牛肉雪花分布好平均，识落肥瘦刚好，牛味都好浓👍手打四宝丸包括鲜虾丸，墨鱼丸，猪肉丸同鲮鱼丸。每款都好弹牙，好足料，海鲜同肉味都好出👍杂菜盘嘅款式好多，份量都比想像中多，好岩打边炉嘅时候解一解腻😎最后打边炉最钟意一啲挂汤嘅食材，炸枝竹同炸鱼皮系唔错嘅选择！