源味開元米線 (已結業)

餐厅装修简简单单，够晒光猛，墙壁壁画带点复古，夜晚人流较多。一共有4种鱼类选择，价钱中等，经过一轮选择我地拣咗海鲈鱼！香辣烤海鲈鱼叫左微辣，因为唔系太食得辣。鱼唔算好大条，不过都够食。上枱时鱼已开边，唔算有太多细骨，鱼嘅肉质算嫩滑，其他嘅配料亦吸收了汤底的精华。一开头食唔算太辣，但真系越食越辣！另外仲叫左四款配菜，手工面、金针菇、宽粉同豆卜。只需加$59，有齐四款唔算特别贵。值得推荐嘅系手工面，食落唔易断，弹牙。霸气百香果感觉清新，唔会太甜，饮落几舒服，可舒缓一下辣味。