煮打菜打冷小菜館 (已結業)

真芝士拉丝虾丸，上枱𠮶阵仲热辣辣嘅，炸得劲脆，虾肉够晒弹牙，入面𠮶啲芝士真系拉到丝故㖞，仲拉到劲长添啊。蒜蓉牛油焗蚬88，蒜蓉同牛油都劲香，喺中式餐厅食到呢样有小小西式感觉嘅𩠌菜，有少少 fushion 嘅感觉。蜜椒吊烧骨，虽然每一旧嘅 size 都唔算好大，不过就真系劲惹味，甜甜地爆得又够香，全晚最钟意就系呢碟𩠌，瞬间就俾所有朋友清哂。鱼汤海味浸菜心，个鱼汤真系劲鲜甜，真系好有鱼味，菜心新鲜爽甜，面头𠮶啲炸鱼仔更加系画龙点睛，令到成个𩠌都好味好多啊。潮式爆花蚝饼，啲蚝仔劲大粒又饱满，唔会煎得太老，食落中间仲好 juicy，外层有够脆口，好好食。蒜蓉果皮生煏大白鳝，大白鳝煲一上枱吱吱声 煲入面包香咗嘅蒜头痛红葱头飘来阵阵的香味 白线都算多，用嚟送饭一流。芝士焗大虾伊面，芝士味浓，虾亦都十分之大只。攞个芝士汁捞埋啲伊面一齐食就啱哂啦，不过如果啲伊面唔好咁谂同埋可以唔好咁湿就更加好喇。笼仔咸蛋肉饼88，之前都睇过报道话呢度既肉饼之所以叫爆牙系因为加埋一啲切碎左既猪耳入去啲肉饼度一齐打嘅 ，咁样会爽口好多㖞，今日一试果然名不虚传，个肉饼真系劲爽口弹牙，加左猪耳一齐真系爽好多啊，不过如果个肉饼