影片
更多
2010-11-20
30 浏览
又系星期日晏昼揾食时间，之前几次经过新明发，见佢在铺外架起好几个蒸笼，有人排队买外卖，上面黄底红字写住「驰名盅头饭」，都有啲兴趣一试佢嘅蒸饭，系咪咁驰名。茶餐厅格局，食物包罗万有，墙上贴咗好多推介同唔同嘅套餐，平贵都有，卖潮式粉面，又有中式点心，唔少得梗系仲有盅头饭，一贯茶餐厅嘅多元化。两公婆，要咗个一个粉面餐同一个盅头饭，觉得都够食。粉面餐一碗粉面加杯餐茶，都系$22，中位价。拣咗柱侯牛腩河配醒神奶茶，碗就大大只，牛腩同河粉就只系一般粉面铺正常份量，牛腩炆得松软入味，牛味浓，不过卖嘅系肥腩，旧旧腩都黐住旧肥膏；河粉就比较幼身而滑溜，汤底未见好有特色，况且加咗腩汁就主要都系腩味。盅头饭盅头饭有5款：豉椒排骨、凤爪排骨、𫠒鱼肉饼、咸鱼肉饼、北菇满滑鸡，款款$18，要嘢饮加$6，快餐店以外另一个好选择，难怪现场所见都几多街坊食盅头饭。本来叫𫠒鱼肉饼，点知啱啱卖晒蒸紧新嘅，要等15min，所以转食凤爪排骨。凤爪排骨都够味，尤其排骨几腍滑，唔嚡唔韧，饭粒软熟得嚟唔粘，落水份量啱啱好。平时唔想煮，外卖买盒返屋企食都好，仲平啲添，$16！
茶餐厅格局，食物包罗万有，墙上贴咗好多推介同唔同嘅套餐，平贵都有，卖潮式粉面，又有中式点心，唔少得梗系仲有盅头饭，一贯茶餐厅嘅多元化。两公婆，要咗个一个粉面餐同一个盅头饭，觉得都够食。
粉面餐
一碗粉面加杯餐茶，都系$22，中位价。拣咗柱侯牛腩河配醒神奶茶，碗就大大只，牛腩同河粉就只系一般粉面铺正常份量，牛腩炆得松软入味，牛味浓，不过卖嘅系肥腩，旧旧腩都黐住旧肥膏；河粉就比较幼身而滑溜，汤底未见好有特色，况且加咗腩汁就主要都系腩味。
盅头饭
盅头饭有5款：豉椒排骨、凤爪排骨、𫠒鱼肉饼、咸鱼肉饼、北菇满滑鸡，款款$18，要嘢饮加$6，快餐店以外另一个好选择，难怪现场所见都几多街坊食盅头饭。本来叫𫠒鱼肉饼，点知啱啱卖晒蒸紧新嘅，要等15min，所以
转食凤爪排骨。凤爪排骨都够味，尤其排骨几腍滑，唔嚡唔韧，饭粒软熟得嚟唔粘，落水份量啱啱好。平时唔想煮，外卖买盒返屋企食都好，仲平啲添，$16！
张贴
