小神燈新派飯館 (已結業)

装潢别具香港怀旧特色，红色吊灯、霓虹灯同、红色热色壶... 适合一家大细或一班朋友聚会，坐得舒服又有话题性。食物价钱份量都合理。晚市有套餐，最平 $298有三道𩠌，性价比高!餐前小食 $15一坐低，先送上热茶同小食，麻辣凉拌猪皮几厚身，Q弹开胃，感觉补充左唔少骨胶原。椒麻鲜螺片师传刀工唔错! 鲜螺片薄切，所以烫过再凉拌都唔会韧，加入青瓜丝、芝麻同蒜蓉，增添香气，椒麻味道会令人上瘾，轻松KO一碟。招牌焗鱼肠 $108老香港菜式，工序繁复，唔系好多餐厅肯做! 表面金黄而带点脆口，入面配料丰富，入口嫩滑，外脆内软，拌饭一流。鱼肠、鱼肝食落唔腥，仲食到少许陈皮味，有辟腥作用。蒽蓉水晶鸡 $148 (半只)采用三黄走地鸡，肉质嫩滑，尤其鸡肶位。面头铺满蒽蒜汁，多到每一块鸡夹起都一定酿到。奇趣脆皮猪手 $198猪手皮异常地又薄又脆，咬落格格声，相信系即叫即整，肉质比较硬正，但上台时仲微温唔会太韧，点芥茉酱一流。仙人掌梳打特饮 $28适合夏天饮，有粒粒椰果同乳酸爆珠， 而且都几大杯，两人share都可以。Asahi 啤酒 $32食大排档餐当然要啤一啤。