夏雪 (已結業)

第二次帮衬，因为见好人介绍紫薯既waffle，所以忍唔住排队都要去食。隔左3个月再去，明显生意好左劲多，排队既人龙不断，食野都要食快啲。服务态度依旧都唔错，多人既情况下，坐既环境当然唔会太舒服，逼啲，但好热闹。食物方面，叫左Purple Waffle，Purple Latte同 Ice Cream+Apple Crumble. Purple Waffle既卖相相当成功，睇得出系花左心机去构思，令人忍唔住相机食先。惊喜既系雪糕球系豆腐味而唔系普通既云尼拿味，waffle方面真系食唔出太多既紫薯味，普通。Purple Latte，一入口就净系得番薯同少量既牛奶味，同平时饮开既latte相差颇远，出乎意料中既味道，已经唔系一杯咖啡，建议可以改下个名。Icecream+Apple Crumble，一个味道平衡既dish。apple crumble酸酸甜甜，加上夏雪主打既3.7牛奶雪糕，配搭唔错，雪糕变左成个甜品既主打，掩盖左apple crumble。呢个甜品反而系3个甜品里面最出乎我意料之外既吸引。